பிரித்தானியாவின் மான்செஸ்டரில் கடந்த 22ம் திகதி சல்மான் அபேதி என்ற ஐஎஸ் தீவிரவாதி நடத்திய தாக்குதலில் 22 பேர் பலியாகினர்.

இந்த வழக்கு தொடர்பாக இதுவரையிலும் 14 பேரை கைது செய்துள்ள பொலிசார் விசாரணை நடத்தி வருகின்றனர்.

தீவிரவாத தாக்குதல் நடந்து ஒருவாரம் ஆன நிலையில் உயிரிழந்தவர்களுக்கு அஞ்சலி செலுத்தப்பட்டது.

இந்நிலையில் தாக்குதல் நடந்து முடிந்த வேளை Nick Bickerstaff என்பவர் தன் மகளை தேடும் வீடியோ காட்சிகள் வெளியாகியுள்ளது.

 

இதுகுறித்து Nick Bickerstaff கூறுகையில், சுமார் 25 அடி உயரத்துக்கு வெடிப்பு நிகழ்ந்ததை கவனித்தேன், 2 நிமிடங்கள் அமைதியான மயானம் போல காட்சியளித்தது.

என்னை சுற்றி உடல் உறுப்புகள், சடலங்கள் சிதறி கிடந்தன, எங்கு பார்த்தாலும் மரண ஓலம் தான் என தெரிவித்துள்ளார்.

தாக்குதல் நடந்த இடத்திலிருந்து சிறிது தூரத்தில் Nick Bickerstaff -ன் மனைவி பிள்ளைகளுடன் பத்திரமாக இருந்துள்ளார்.

இன்று வரையிலும் கூட தன் பதட்டம் குறையவில்லை என கூறும் Ellen, பாதுகாப்பற்ற நிலையை உணர்வதாக குறிப்பிட்டுள்ளார்.