முனி படங்களின் வரிசையில் தற்போது, காஞ்சனா 3 (முனி 4) படத்தை நடித்து, இயக்கி வருகிறார் ராகவா லாரன்ஸ். வேதிகா, ஓவியா, கோவை சரளா, ஸ்ரீமன், தேவதர்ஷினி, சத்யராஜ், கிஷோர் உள்ளிட்ட பலரும் நடித்து வருகிறார்கள்.
இப்படத்தின் இறுதிக்கட்ட படப்பிடிப்பு நடந்து வரும் நிலையில், 2019ம் ஆண்டு, ஏப்ரல் மாதம் படம் வெளியாகும் என படத்தை தயாரிக்கும் சன் பிக்சர்ஸ் நிறுவனம் அறிவித்துள்ளது. அனேகமாக படம் தமிழ் புத்தாண்டில் வெளியாகலாம் என தெரிகிறது.
மேலும் இப்படத்தின் டீசரை, பொங்கலுக்கு வெளியாக உள்ள ரஜினி நடித்துள்ள பேட்ட படத்துடன் இணைந்து தியேட்டர்களில் வெளியிடும் வேலைகளும் துவங்கி உள்ளன.