நடிகர் சூர்யா நடிப்பில் படம் வெளியாகி ஓராண்டு ஆகிவிட்ட நிலையில், இந்தாண்டு அவரது நடிப்பில் அடுத்தடுத்து இரண்டு படங்கள் வெளியாகின்றன. செல்வராகவன் இயக்கத்தில் சூர்யா நடித்து, கடந்தாண்டு வெளியாக வேண்டிய என்ஜிகே., படம் வரும் மே 31ம் தேதி ரிலீஸாக உள்ளது.
இதையடுத்து கேவி ஆனந்த் இயக்கத்தில் சூர்யா நடித்துள்ள மற்றுமொரு படமான காப்பான், ஆகஸ்ட் மாதம் ரிலீஸாக உள்ளது. இந்நிலையில் தமிழ்புத்தாண்டை முன்னிட்டு நாளை(ஏப்.,14) இப்படத்தின் டீசரை 7 மணிக்கு வெளியிடப்போவதாக அறிவித்துள்ளனர்.
சூர்யா, மோகன்லால், ஆர்யா, சாயிஷா, போமன்இராணி உள்ளிட்ட பலர் நடித்துள்ள இப்படத்தில் மோகன்லால் பிரதமாராகவும், அவரை காக்கும் உயர் அதிகாரியாக சூர்யாவும் நடித்துள்ளனர். ஹாரிஸ் ஜெயராஜ் இசையமைத்துள்ளார். லைகா நிறுவனம் தயாரித்துள்ளது.
