‘உலகநாயகன்’ கமலஹாசன் நடிப்பில் தயாராகிவரும் ‘விக்ரம்’ படத்தில் நடிகை ஆண்ட்ரியா இணைந்து பணியாற்றவிருப்பதாக தகவல்கள் வெளியாகியிருக்கிறது.
‘மாநகரம்’, ‘கைதி’, ‘மாஸ்டர்’ ஆகிய படங்களை தொடர்ந்து இயக்குனர் லோகேஷ் கனகராஜ் இயக்கத்தில் தயாராகி வரும் திரைப்படம் ‘விக்ரம்’.
இதில் உலக நாயகன் கமல்ஹாசன் கதையின் நாயகனாக நடிக்கிறார். இவருடன் ‘மக்கள் செல்வன்’ விஜய் சேதுபதி, மலையாள நடிகர் பகத் பாசில், அர்ஜுன் தாஸ், நரேன், காளிதாஸ் ஜெயராம் உள்ளிட்ட பலர் நடிக்கிறார்கள்.
இந்நிலையில் இப்படத்தில் கதையின் நாயகியாக நடிகை ஆண்ட்ரியா நடிக்கிறார் என தகவல்கள் வெளியாகியுள்ளது.
இது தொடர்பாக நடிகை ஆண்ட்ரியா தன்னுடைய சமூக வலைத்தள பக்கத்தில் சிவப்பு வண்ண உடையில் தோன்றி ‘கோட் ரெட்: என பதிவிட்டிருக்கிறார்.
‘விக்ரம்’ படத்தின் ஃபர்ஸ்ட் லுக்கில் ‘கோட் ரெட்’ என குறிப்பிடப்பட்டிருக்கும். இதன் மூலம் நடிகை ஆண்ட்ரியா இந்த படத்தில் கதையின் நாயகியாக நடிக்கிறார் என சூசகமாக அவர் தெரிவித்திருக்கிறார்.
இதனிடையே நடிகை ஆன்ட்ரியா உலகநாயகன் கமல்ஹாசன் நடிப்பில் வெளியான ‘விஸ்வரூபம்’, ‘உத்தம வில்லன்’, ‘விஸ்வரூபம் 2’ ஆகிய படங்களில் நடித்திருக்கிறார் என்பதும், இயக்குனர் லோகேஷ் கனகராஜ் இயக்கத்தில் வெளியான ‘மாஸ்டர்’ படத்திலும் நடிகை ஆண்ட்ரியா நடித்திருக்கிறார் என்பதும் குறிப்பிடதக்கது.
‘விக்ரம்’ படத்தில் பார்வைத்திறன் சவால் உள்ள கதாபாத்திரத்தில் தோன்றும் கமல்ஹாசனுக்கு ஜோடியாக நடிகை ஆண்ட்ரியா நடிப்பதால் ரசிகர்களிடையே பெரும் எதிர்பார்ப்பு உருவாகி இருக்கிறது.
_____________________________________________________________________________
உடனுக்குடன், உவப்பான செய்திகளுக்கு: http://Facebook page / easy 24 news
