இந்த வருடம் தீபாவளியில் அஜித், விஜய் என முன்னணி நடிகர்களின் படங்கள் எதுவும் வெளியாகவில்லை.

தனுஷின் கொடியும், கார்த்தியின் காஷ்மோரா மட்டுமே முக்கியமான படங்களாக வெளியானது. இதில் காஷ்மோரா படத்துக்கு இருந்த அதிக எதிர்பார்ப்பால் படம் நல்ல வசூலை எட்டியுள்ளது.

முதல்நாளில் 4.5 கோடி வசூல் செய்தது. அடுத்தநாள் தீபாவளி என்பதால் முதல் நாளை விட அதிகமாக வசூல் செய்துள்ளது. மறுநாளும் விடுமுறை என்பதால் நல்ல வசூல் செய்து முதல் 3 நாட்களில் 25 கோடி வரை வசூல் செய்தது. தெலுங்கிலும் வெளியான இப்படம் தமிழுக்கு நிகராக வசூல் செய்துள்ளதாக கூறப்படுகிறது.

கார்த்தியின் திரைப்பயணத்தில் அதிக வசூல் செய்த இப்படம் இந்த வருடத்தில் முதல் 3 நாட்களில் உலகளவில் அதிக வசூல் செய்த டாப்5 தமிழ் படங்களில் இடம் பிடித்துள்ளது.