இரண்டாவது அபாயகரமான விமான விபத்து

அவுஸ்திரேலியாவில் இடம்பெற்ற விமான விபத்தில் சிக்கி தந்தை, மகன் உயிரிழந்த சம்பவம் குடும்பத்தினரிடையே துயரத்தை ஏற்படுத்தியுள்ளது.

அவுஸ்திரேலியாவின் நியூ சவுத் வேல்ஸில் சிறிய ரக விமானம் விபத்துக்குள்ளானதில் 59 வயதான ஜெஃப் மற்றும் 25 வயதான மத்தேயு ஹில்ஸ் உயிரிழந்தனர்.

கோல்ட் கோஸ்ட் பகுதியைச் சேர்ந்த ஜெப் மற்றும் மத்தேயு இருவரும் வெள்ளிக்கிழமை காலை 6.30 மணிக்கு வடக்கு நியூ சவுத் வேல்ஸில் உள்ள Murwillumbah பகுதியில் இருந்து புறப்பட்டுள்ளனர்.

அவர்கள் காலை 8 மணிக்கு Taree -வில் தரையிறங்க திட்டமிட்டிருந்துள்ளனர். ஆனால், ரேடாரில் இருந்து விலகி திட்டமிட்ட படி தரையிறங்கவில்லை.

காணாமல் போன விமானத்தைக் கண்டுபிடிப்பதற்காக அவுஸ்திரேலிய கடல்சார் பாதுகாப்பு ஆணையம் மீட்பு ஜெட் விமானத்தை அனுப்பியது, ஆனால் மோசமான வானிலை மற்றும் கடினமான சூழ்நிலைகளால் தேடுதல் தடைபட்டது.

இந்நிலையில், Coffs Harbour அருகே உள்ள Dorrigo தேசிய பூங்காவில் விபத்துக்குள்ளான விமானம் கண்டுபிடிக்கப்பட்டுள்ளது. மேலும், விபத்தில் சிதைந்து கிடந்த ஜெப் மற்றும் ஹில்ஸ் ஆகியோரின் சடலங்கள் மீட்க்கப்பட்டுள்ளது.

விபத்து குறித்து அவுஸ்திரேலிய போக்குவரத்து பாதுகாப்பு பணியகம் விசாரணையைத் தொடங்கியுள்ளதுடன், சாட்சிகள் முன்வருமாறு கேட்டுக் கொண்டுள்ளது.

விபத்துக்குள்ளான செய்தியை கேட்டு அதிர்ச்சிக்குள்ளான குடும்ப உறுப்பினர்கள், இருவருக்கும் அஞ்சலி செலுத்தியுள்ளனர். அவர்களை இழந்த சோகத்தில் வாடுவதாக கூறியுள்ளனர்.

கடந்த இரண்டு வாரங்களில் நியூ சவுத் வேல்ஸில் ஏற்பட்ட இரண்டாவது அபாயகரமான விமான விபத்து இதுவாகும் மற்றும் கடந்த நான்கு மாதங்களில் அவுஸ்திரேலியாவில் நடந்த ஐந்தாவது விமான விபத்து ஆகும்.