யாழ்.ஐந்துலாம்புச் சந்தி பகுதியில் வீட்டினுள் தோண்டப்பட்ட கிணறு ஒன்றினை இராணுவத்தினர் கண்டுபிடித்துள்ளனர்.
நாட்டில் ஏற்பட்டுள்ள அசாதாரண சூழ்நிலை கால பகுதியில் நாடு முழுவவும் தேடுதல் நடத்தப்படுகின்றது. அந்த வகையில் யாழ்ப்பாணம் நாவாந்துறைப் பகுதியில் இராணுவத்தினர், சிறப்பு அதிரடிப் படையினர் மற்றும் காவல்துறையினர் இணைந்து இன்றைய தினம் ஞாயிறுக்கிழமை பெரியளவிலான சுற்றிவளைப்புத் தேடுதலை முன்னெடுத்திருந்தனர்.
அதன் போது அப்பகுதியில் உள்ள வீடொன்றினை சோதனையிட்ட போது வீட்டினுள் நிலபதிப்பின் கீழ் (மாபிள்) கிணறு ஒன்றினை கண்டறிந்துள்ளனர்.
வீட்டினுள் கிணறு தோண்டப்பட்டு அதன் மீது பிளாட் போட்டு மாபிள் பதிச்சு கிணற்றினை பாவித்து வந்துள்ளனர். குறித்த கிணறு தொடர்பில் இராணுவத்தினரும் காவல்துறையினரும் விசாரணைகளை முன்னெடுத்து வருகின்றனர்.
அதேவேளை இந்த தேடுதலில் போதே அப்பகுதியில் உள்ள மற்றொரு வீட்டில் நிலக்கீழ் தளம் (underground ) கண்டு பிடிக்கப்பட்டமை குறிப்பிடத்தக்கது.
