ஹெச்.எம்.டி. குளோபல் நிறுவனம் பிப்ரவரி 24 ஆம் தேதி பார்சிலோனாவில் தனது புதிய நோக்கியா 9 பியூர்வியூ ஃபிளாக்ஷிப் ஸ்மார்ட்போன்களை அறிமுகம் செய்ய இருக்கிறது.
இந்நிலையில், உயர் ரக ஃபிளாக்ஷிப் ஸ்மார்ட்போன் தவிர என்ட்ரி-லெவல் ஸ்மார்ட்போனினை அறிமுகம் செய்யலாம் என தகவல் வெளியாகியுள்ளது. இது நோக்கியா 1 பிளஸ் என அழைக்கப்படலாம் என்றும் கூறப்படுகிறது. புதிய நோக்கியா 1 பிளஸ் ஸ்மார்ட்போனின் ரென்டர்கள் அதன் சிறப்பம்சங்களுடன் இணையத்தில் லீக் ஆகியுள்ளது.
அதன்படி நோக்கியா 1 பிளஸ் ஸ்மார்ட்போனில் 1 ஜி.பி. ரேம், மீடியாடெக் சிப்செட், ஆண்ட்ராய்டு 9 பை (கோ எடிஷன்) இயங்குதளம் கொண்டு இயங்குகிறது. டைகர் மொபைல் வெளியிட்டிருக்கும் ரென்டர்களின் படி நோக்கியா 1 பிளஸ் ஸ்மார்ட்போனில் ஒற்றை செல்ஃபி கேமரா வழங்கப்படுகிறது.
நோக்கியா 1 பிளஸ் ஸ்மார்ட்போனில் 480×960 பிக்சல் டிஸ்ப்ளே, 1.5 ஜிகாஹெர்ட்ஸ் குவாட்-கோர் மீடியாடெக் MT6739WW சிப்செட், பவர் வி.ஆர். GE8100 GPU கிராஃபிக்ஸ் வழங்கப்படுகிறது.
கனெக்டிவிட்டியை பொருத்த வரை நோக்கியா 1 பிளஸ் ஸ்மார்ட்போனில் டூயல் சிம் ஸ்லாட், ஜி.பி.எஸ்., வைபை, ப்ளூடூத் மற்றும் மைக்ரோ யு.எஸ்.பி. போர்ட் வழங்கப்படுகிறது. புதிய நோக்கியா 1 பிளஸ் ஸ்மார்ட்போனின் விலை மற்றும் வெளியீடு பற்றி விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
