சிவா இயக்கத்தில் அஜித் நான்காவது முறையாக நடித்துள்ள படம் ‘விஸ்வாசம்’. சத்யஜோதி பிலிம்ஸ் தயாரிக்கும் இப்படத்தின் இறுதிகட்ட படப்பிடிப்பு, கடந்த சில நாட்களாக புனேயில் நடைபெற்று வந்தது.
இந்நிலையில் இப்படத்தின் படப்பிடிப்பு முடிவடைந்துவிட்டது என்ற தகவலை இப்படத்திற்கு ஒளிப்பதிவு செய்யும் வெற்றி அதிகாரபூர்வமாக தெரிவித்திருந்தார். பொங்கலுக்கு வெளியிட திட்டமிடப்பட்டிருக்கும் ‘விஸ்வாசம்’ படத்தில் அஜித்துக்கு ஜோடியாக நயன்தாரா நடித்துள்ளார்.
காமெடிப் படமாக உருவாகியுள்ள இப்படத்தில் ‘யோகி’ பாபு, தம்பி ராமையா உட்பட பல காமெடியன்கள் நடித்திருக்கின்றனர். இப்படத்தின் இரண்டாவது போஸ்டர் சமீபத்தில் வெளியானது. அது ரசிகர்களை பெரிதும் கவரவில்லை.
இதனை தொடர்ந்து விரைவில் இப்படத்தின் மூன்றாவது போஸ்டர் வெளியாக இருக்கிறது. முதல் இரண்டு போஸ்டர்களில் அஜித்தின் படம் மட்டும் இடம்பெற்றதால் நயன்தாரா வருத்தப்பட்டாராம். அதன் காரணமாக விஸ்வாசம் படத்தின் மூன்றாவது போஸ்டரில் நயன்தராவின் படமும் இடம் பெற வாய்ப்பு உள்ளதாக சொல்லப்படுகிறது.
விஸ்வாசம் படத்தின் மூன்றாவது போஸ்டரை தொடர்ந்து படத்தின் பாடல்களும், டிரைலரும் மிக விரைவில் வெளியாக இருக்கிறது.
