இந்திய மருத்துவ கழிவுகள் இந்நாட்டின் கடற்பரப்பில் கரையொதுங்கிய சம்பவம் தொடர்பில் இராஜதந்திர மட்டத்தில் தலையீடுகள் இருப்பதாக அமைச்சர் பாட்டாலி சம்பிக ரணவக தெரிவித்துள்ளார்.
எந்தவொரு நாடாக இருப்பினும் மருத்துவ கழிவுகளை அகற்றுவதற்கு முறையான நடவடிக்கை இருக்க வேண்டும் என அவர் மேலும் தெரிவித்துள்ளார். புத்தளம் பகுதியின் கடற்பரப்பில் அண்மையில் மருத்துவ கழிவுகள் கரையொதுங்கியதுடன் அவை தற்போது அகற்றப்பட்டுள்ளதாக தெரிவிக்கப்படுகின்றது.
குறித்த சம்பவம் தொடர்பில் கண்டியில் வைத்து ஊடகவியலாளர் எழுப்பிய கேள்விகளுக்கு பதிலளிக்கும் போதே அவர் இவ்வாறு தெரிவித்துள்ளார்.
கழிவுகள் அகற்றப்பட்டிருப்பினும் அதனால் கடலிற்கு ஏற்பட்ட தாக்கம் தொடர்பில் இதுவரையில் கண்டறியப்படவில்லை என கடலோர பாதுகாப்பு ஆணையம் தெரிவித்துள்ளது.
