2018ம் ஆண்டில் உலகில் பெண்கள் பாதுகாப்பான பயணங்களை மேற்கொள்வதற்கு பொருத்தமான நாடாக இலங்கை இருப்பதாக சீனா தெரிவித்துள்ளது.
20 நாடுகள் கொண்ட பட்டியலில் இலங்கை முன்னிலையில் இருப்பதாக அந்நாட்டு தேசிய ஊடகம் ஒன்று வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது.
அண்மையில் நடத்தப்பட்ட சர்வதேச நிபுணர்கள் குழுவின் ஆய்வு, தரப்படுத்தல் மற்றும் கருத்துக் கணிப்புகளில் இந்த விடயம் தெரியவந்துள்ளது.
ஏனைய நாடுகளின் வரிசையில் அமெரிக்கா, கனடா, நியூஸிலாந்து, அவுஸ்திரேலியா, ஜப்பான், சுவிட்சர்லாந்து மற்றும் மாலைத்தீவுகள் ஆகிய நாடுகளும் உள்ளடக்கப்பட்டுள்ளதாக சீனாவிற்கான இலங்கைத் தூதுரகம் சுட்டிக்காட்டியுள்ளது.
இதேவேளை, உலக நாடுகளில் பெண்களுக்கு பாதுகாப்பு இல்லாத நாடுகள் பட்டியலில் இந்தியா முதலிடத்தில் இருப்பதாக ஓர் ஆய்வு அறிக்கையில் சுட்டிக்காட்டப்பட்டுள்ளது.
லண்டனைச் சேர்ந்த தோம்ஸன் ராய்ட்டர்ஸ் அறக்கட்டளை வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளமை குறிப்பிடத்தக்கது.
