வவுனியா கூமாங்குளம் காளி கோயில் வீதியில் உள்ள வீட்டில் தமிழீழ விடுதலைப் புலிகளின் ஆயுதங்களைக் கண்டறியத் தேடுதல் நடத்திய படையினர், இறுதியில் உக்கிய பரல் ஒன்றையே மீட்டுள்ளனர்.
நீதிமன்ற அனுமதியுடன் இந்தத் தேடுதல் நடத்தப்பட்டது. நேற்று பி.ப. 3 மணியிலிருந்து, மாலை 6.30 மணிவரை, பெக்கோ இயந்திரத்தின் உதவியுடன் வீட்டு வளவு முழுவதும் தோண்டினர். இறுதி வரையில் எதுவும் சிக்கவில்லை. உக்கிய நிலையில் பரல் ஒன்றையே அவர்களால் மீட்க முடிந்தது.
இந்தக் காணியில் 3 ஆண்டுகளுக்கு முன்னரும் இதேபோன்று தேடுதல் நடத்தப்பட்டதாகத் தெரிவிக்கப்படுகின்றது. இந்தத் தேடுதல் நடவடிக்கை தொடர்பாக செய்தி சேகரிக்கச் சென்ற ஊடகவியலாளர்களையும் பாதுகாப்புத் தரப்பினர் அனுமதிக்கவில்லை.
