கிழக்கு ஆசிய நாடான, வட கொரியாவில், சீன சுற்றுலா பயணியர் சென்ற பேருந்து விபத்துக்கு உள்ளானதில், 32 பேர் பலியாகினர்.அண்டை நாடான, சீனாவைச் சேர்ந்த, 30க்கும் மேற்பட்ட சுற்றுலா பயணியர், வட கொரியாவுக்கு சுற்றுலா சென்றிருந்தனர்.வட கொரியா தலைநகர், பியாங்கோங்கின் தெற்கு பகுதியில், சீன சுற்றுலா பயணியர் சென்ற பேருந்து, திடீரென நிலை தடுமாறி, பாலத்தில் இருந்து கவிழ்ந்து விபத்துக்கு உள்ளானது.இதில், சீனாவைச் சேர்ந்த, 32 சுற்றுலா பயணியர் பலியாகினர். மேலும், வட கொரியாவைச் சேர்ந்த நான்கு பேர் உயிரிழந்தனர். இந்த விபத்து குறித்து, போலீசார் தீவிரமாக விசாரணை நடத்தி வருகின்றனர். வட கொரியாவில் சுற்றுலா மேற்கொள்ளும்வெளிநாட்டவர்களில், 80 சதவீதத்தினர், சீனாவைச் சேர்ந்தவர்கள் என்பது குறிப்பிடத்தக்கது.
பேருந்து விபத்து : 32 சீனர்கள் பலி
