மோட்டார் சைக்கிளில் கடத்திச் செல்லப்பட்ட 8 கிலோ கஞ்சாவை பொலிஸார் நேற்றுக் கைப்பற்றினர். கஞ்சாவைக் கொண்டு சென்ற சந்தேகத்தில் ஒருவரை கைது செய்துள்ளனர்.
கொழும்பிலிருந்து வந்த சிறப்பு அதிரடிப் படைப் பிரிவைச் சேர்ந்தவர்களுக்கு, கஞ்சா கடத்திச் செல்லப்படுவதாக இரகசியத் தகவல் கிடைக்கப் பெற்றுள்ளது. மோட்டார் சைக்கிளிலேயே கஞ்சா கடத்திச் செல்லப்பட்டுள்ளது.
மோட்டார் சைக்கிளைப் பின்தொடர்ந்து சென்ற சிறப்பு அதிரடிப் படையினர் கொடிகாமத்துக்கு அண்மையாக வைத்து, அதனைக் கொண்டு சென்றவரையும், கஞ்சாவையும் கைப்பறினர். கைது செய்யப்பட்டவர் சாவகச்சேரி பொலிஸ் நிலையத்தில் ஒப்படைக்கப்பட்டுள்ளார்.
