கொழும்பு – 12, வாழைத்தோட்டம் பகுதியில் மீட்கப்பட்ட, தலையின் உடற்பாகம் இன்று தோண்டி எடுக்கப்படவுள்ளது.
ஹம்பாந்தோட்டை, அங்குணுகொலபெலெஸ்ஸ – முரவெடிஹேன – கோட்டாபயகம பிரதேசத்தில் குறித்த உடல் பாகம் புதைக்கப்பட்டுள்ளமை பொலிஸ் விசாரணைகளின் மூலம் நேற்றைய தினம் உறுதிப்படுத்தப்பட்டது.
இதனையடுத்து குறித்த பகுதியில் நேற்றைய தினம் பொலிஸ் பாதுகாப்பு பலப்படுத்தப்பட்டிருந்தது.
உடல் துண்டிக்கப்பட்ட நிலையில், பாதாள உலக உறுப்பினரான கொஸ்மல்லி என்பவரின் சிரம் கடந்த 7ஆம் திகதி கொழும்பு – 12, வாழைத்தோட்டம் பகுதியில் வைத்து மீட்கப்பட்டது.
இந்த சம்பவம் தொடர்பில் இருவர் கைது செய்யப்பட்டதுடன், அவர்களிடம் மேற்கொள்ளப்பட்ட விசாரணைகளில் இருந்து உடல் புதைக்கப்பட்டிருக்கும் பிரதேசம் உறுதிப்படுத்தப்பட்டுள்ளதோடு இன்றைய தினம் தோண்டி எடுக்கப்பட உள்ளது.
