ஜனாதிபதி ஆணைக்குழுக்களின் அறிக்கைகள் எதிர்வரும் பெப்ரவரி மாதம் 7ம் திகதிக்கு முன்னதாக விவாதிக்கப்பட வேண்டுமென முன்னாள் ஜனாதிபதி மஹிந்த ராஜபக்ஸ கோரியுள்ளார். வெல்லவாய பிரதேசத்தில் நடைபெற்ற தேர்தல் பிரச்சாரக் கூட்டத்தில் பங்கேற்று உரையாற்றிய போது அவர் இதனைக் குறிப்பிட்டுள்ளார்.
எதிர்வரும் 8ம் திகதி இந்த விவாதம் நடத்தப்பட்டால் இதன் முடிவினை மக்களினால் தெரிந்து கொள்ள முடியாது எனவும், அது உள்ளுராட்சி மன்றத் தேர்தல்களை பாதிக்கும் எனவும் அவர் சுட்டிக்காட்டியுள்ளார். ஜனாதிபதி அண்மையில் பொறுப்புணர்ச்சிய வகையில் சில கருத்துக்களை வெளியிட்டு வருவதாகக் குற்றம் சுமத்தியுள்ளார்.
