வித்யாபாலன், மானவ் கவுல் இயக்கத்தில் கடந்த வெள்ளியன்று வெளியான படம் தும்ஹாரி சுலு. சுரேஷ் திரிவேணி இயக்கிய இப்படத்தில் ரேடியோ ஜாக்கியா நடித்திருந்தார் வித்யாபாலன். இப்படத்திற்கு நல்ல வரவேற்பு கிடைத்திருக்கிறது. இதனால் படத்தின் வசூலும் சிறப்பாக உள்ளது. படம் வெளியாகி ஒருவாரம் முடிந்துள்ள நிலையில், ரூ.19.78 கோடி வசூலித்திருக்கிறது. ரூ.20 கோடி பட்ஜெட்டில் உருவான இப்படம் கிட்டத்தட்ட அதன் வசூலை நெருங்கிவிட்டது. இந்தவாரமும், அடுத்தவாரமும் பெரிய படங்கள் எதுவும் வராததால் வித்யாபாலன் படத்திற்கு மேலும் நல்ல வரவேற்பும், வசூலும் கிடைக்கும் என விநியோகஸ்தர்கள் தெரிவிக்கிறார்கள்.
