ஆப்கானிஸ்தான் ஹெராட் நகரில் இடம்பெற்ற குண்டு வெடிப்பு சம்பவத்தில் 31 பேர் பலியாகியுள்ளதுடன் 64 பேர் காயமடைந்துள்ளனர்.
மாலை நேர வணக்கத்தின் போதே இந்தத் தாக்குதல் இடம்பெற்றுள்ளதாக வெளிநாட்டு தகவல்கள் தெரிவிக்கின்றன.
ஒரு தற்கொலைக் குண்டுதாரியும், ஆயுதம் ஏந்திய நபரும் குறித்த தாக்குதலை நடத்தியதாகவும், குண்டு வெடிக்கச் செய்யபட முன்னர் துப்பாக்கிச் சூடும் மேற்கொள்ளப்பட்டதாக தெரிவிக்கப்படுகிறது.
எவ்வாறாயினும் உயிரிழந்தவர்களின் தொகை மேலும் அதிகரிக்கலாம் என குறித்த மாகாணத்தின் ஆளுநர் தெரிவித்துள்ளார். அதேவேளை ஹெராட் நகரின் ஈரானுக்கான நுழைவாயிலும் மூடப்பட்டுள்ளதாக வெளிநாட்டு தகவல்கள் தெரிவிக்கின்றன.
ஆப்கானிஸ்தான் ஹெராட் நகரில் குண்டுத் தாக்குதல் ; 31 பேர் பலி
