தலங்கமை பொலிஸ் பிரிவுக்குட்பட்ட பத்தரமுல்ல பிரதேசத்தில் ஐஸ் போதைப்பொருளுடன் மூன்று சந்தேக நபர்கள் நேற்று வியாழக்கிழமை (26) கைது செய்யப்பட்டுள்ளதாக பொலிஸார் தெரிவித்தனர்.
தலங்கமை பொலிஸாருக்கு கிடைத்த இரகசிய தகவலின் பேரில் மேற்கொள்ளப்பட்ட சுற்றிவளைப்பின் போதே சந்தேக நபர்கள் கைது செய்யப்பட்டுள்ளனர்.
கைது செய்யப்பட்ட சந்தேக நபர்கள் 35, 38 மற்றும் 42 வயதுடைய மீகொடை மற்றும் பத்தரமுல்ல ஆகிய பிரதேசங்களைச் சேர்ந்தவர்கள் ஆவர்.
கைது செய்யப்பட்ட சந்தேக நபர்களில் ஒருவரிடம் இருந்து 10 கிராம் 800 மில்லிகிராம் ஐஸ் போதைப்பொருளும் மற்றையவர்களிடம் இருந்து 10 கிராம் 600 மில்லிகிராம் ஐஸ் போதைப்பொருள் மற்றும் 10 கிராம் 400 மில்லிகிராம் ஐஸ் போதைப்பொருளும் பொலிஸாரால் கைப்பற்றப்பட்டுள்ளது.
இது தொடர்பான மேலதிக விசாரணைகளை தலங்கமை பொலிஸார் மேற்கொண்டு வருகின்றனர்.
