புரத சத்து நிறைந்த பாசிப்பயிறு குழிப்பணியாரம்

பச்சை பயிறு என்று அழைக்கப்படும் பாசிப்பயறை சாப்பிடுவதன் மூலமாக நமது உடலுக்கு தேவையான இரும்பு சத்து மற்றும் புரத சத்தானது கிடைக்கிறது.

தேவையான பொருட்கள்:

பாசி பயிறு – 200 கிராம்

புழுங்கல் அரிசி – 50 கிராம்
உளுந்து, வெந்தயம் – 25 கிராம்

தாளிக்க

கடுகு, கறிவேப்பிலை
எண்ணெய் – தேவையான அளவு
வெங்காயம் – 1
ப.மிளகாய் – 3

செய்முறை:

ப.மிளகாய், வெங்காயத்தை பொடியாக நறுக்கி கொள்ளவும்.

முதல் நாள் இரவு பாசி பயிறு, புழுங்கல் அரிசி, மற்றும் உளுந்து+வெந்தயம் தனித்தனியாக இம்மூன்றையும் ஊற வைத்துக் கொள்ளவும்.

காலையில் தனித்தனியாக கரகரப்பாக அரைத்து ஒன்றாக கலக்கி உப்பு சேர்த்து 2 மணி நேரம் புளிக்க விடவும்.

தாளிக்க பொடுக்கப்பட்டுள்ள பொருட்களை தாளித்து மாவில் சேர்த்து நன்றாக கலந்து பணியாரமாக ஊற்றி எடுக்கலாம்.

சூப்பரான பாசிப்பயிறு பணியாரம் ரெடி.