நியூசிலாந்தின் முன்னாள் ஒலிம்பிக் சைக்கிள் ஓட்ட வீராங்கனை ஒலிவியா போட்மோர் காலமானதாக அந் நாட்டின் ஒலிம்பிக் கமிட்டி தெரிவித்துள்ளது.
இறக்கும்போது அவருக்கு 24 வயது.
2016 ஆம் ஆண்டு ரியோ ஒலிம்பிக் மற்றும் 2018 பொதுநலவாய விளையாட்டு போட்டிகளின் போது போட்மோர் தனது சொந்த நாட்டை பிரதிநிதித்துவப்படுத்தினார் என்று நியூஸிலாந்து ஒலிம்பிக் கமிட்டி அதிகாரிகள் தெரிவித்தனர்.
திங்கட்கிழமை மாலை போட்மோர் திடீர் மரணம் அடைந்ததாக வைகாடோ காவல்துறை அறிவித்தது. ஆனால் இறப்புக்கான காரணத்தை வெளிப்படுத்தவில்லை.
இந் நிலையில் போட்மோரின் இழப்பால் மிகவும் வருத்தமடைவதாக தெரிவித்துள்ள நியூஸிலாந்து ஒலிம்பிக் கமிட்டி, இந்த இழப்பால் துயருறும் நியூஸிலாந்து சமூகத்தில் உள்ள குடும்பம், நண்பர்கள் மற்றும் பிறருக்கு எங்கள் ஆழ்ந்த இரங்கலைத் தெரிவித்துக் கொள்கிறோம் என்றும் கூறியுள்ளது.
_____________________________________________________________________________
உடனுக்குடன், உவப்பான செய்திகளுக்கு: http://Facebook page / easy 24 news
