விஜய் தேவரகொண்டா, சமந்தா முன்னணி வேடங்களில் நடித்திருக்கும் ‘குஷி’ திரைப்படத்தில் இடம்பெற்ற ‘என் பொன்னம்மா…’ எனத் தொடங்கும் பாடலின் காணொளி வெளியிடப்பட்டிருக்கிறது.
மைத்ரி மூவி மேக்கர்ஸ் நிறுவனத்தின் சார்பில் நவீன் யெர்னேனி மற்றும் ஒய். ரவிசங்கர் யெலமஞ்சலி ஆகியோர் இணைந்து தயாரித்திருக்கும் இந்த திரைப்படத்தில் விஜய் தேவரகொண்டா – சமந்தா ஜோடியுடன் ஜெயராம், சச்சின் கடேக்கர், முரளி சர்மா, லட்சுமி, ஆலி, சரண்யா பொன்வண்ணன், ரோகிணி, வெண்ணிலா கிஷோர், ராகுல் ராமகிருஷ்ணா, ஸ்ரீகாந்த் ஐயங்கார், சரண்யா பிரதீப் உள்ளிட்ட பலர் நடித்திருக்கிறார்கள்.
ஜி.முரளி ஒளிப்பதிவு செய்திருக்கும் இந்த திரைப்படத்துக்கு ஹேஷாம் அப்துல்லா வஹாப் இசையமைத்திருக்கிறார்.
இயக்குநர் சிவ நிர்வானாவின் இயக்கத்தில் தயாரான இந்த திரைப்படம் எதிர்வரும் செப்டெம்பர் முதலாம் திகதி உலகம் முழுதும் பட மாளிகைகளில் வெளியாகிறது. ஏற்கனவே இப்படத்தில் இடம்பெற்ற பாடல்களிள் காணொளி வெளியிடப்பட்டு, ரசிகர்களின் எதிர்பார்ப்பை அதிகரித்து வருகிறது.
இந்நிலையில், இப்படத்தில் இடம்பெற்ற ‘என் பொன்னம்மா…’ எனத் தொடங்கும் பாடல் வெளியிடப்பட்டிருக்கிறது.
பாடலாசிரியர் மதன் கார்க்கி எழுதிய இந்தப் பாடலுக்கு விஜய் பிரகாஷ் பின்னணி பாடியிருக்கிறார். இந்தப் பாடலுக்கு விஜய் தேவரகொண்டாவின் எளிமையான நடன அசைவுகள் பார்வையாளர்களை வெகுவாக கவர்ந்திருக்கிறது.
