உயிரிழந்த தமிழீழ விடுதலைப் புலி உறுப்பினர்களின் நினைவாக வடக்கு, கிழக்கு மாகாணங்களில் இதுவரையில் நடத்தப்பட்ட மாவீரர்களின் நிகழ்வுகள் தொடர்பான முழுமையான விசாரணை அறிக்கையை சமர்ப்பிக்க எதிர்பார்ப்பதாக சட்ட மா அதிபர் மேன்முறையீட்டு நீதிமன்றத்துக்கு அறிவித்தார்.
மாவீரர்கள் தினத்தை அனுஷ்டிப்பதற்கு எதிராக சட்டத்தை அமுல்படுத்துமாறு கோரி முன்னாள் இராணுவப் புலனாய்வு அதிகாரி ஆனந்த ஜயமானவினால் தாக்கல் செய்யப்பட்ட ரிட் மனு நேற்று (21) விசாரணைக்கு எடுத்துக் கொள்ளப்பட்ட போது, அவர் சார்பில் ஆஜரான சிரேஷ்ட அரசாங்க சட்டத்தரணி ஷமிந்த விக்கிரம இதனைத் தெரிவித்தார்.
இதனையடுத்து உரிய விசாரணை அறிக்கையை நீதிமன்றத்தில் சமர்ப்பிக்குமாறு அரச வழக்கறிஞருக்கு மேன்முறையீட்டு நீதிமன்ற நீதிபதிகள் குழு உத்தரவிட்டது.
