ஹிந்தி நடிகர் அமிதாப்பச்சன் 2018-19ம் ஆண்டில் வரியாக 70 கோடி ரூபாயை செலுத்தி உள்ளார் என அவருடைய செய்தித் தொடர்பாளர் தெரிவித்துள்ளார்.
பீகார், முசாபர்புர் பகுதியைச் சேர்ந்த 2084 விவசாயிகளின் கடன்களை அவர் செலுத்தி உள்ளாராம். புல்வாமா தாக்குதலில் உயிரிழந்தவர்களுக்காக 10 லட்ச ரூபாயையும் அவர் நன்கொடையாக வழங்கி உள்ளார் என்றும் அவர் தெரிவித்துள்ளார்.
இந்த ஆண்டில் அமிதாப் நடித்து ‘பாட்லா’ என்ற ஹிந்திப் படம் மட்டும் இதுவரை வெளிவந்துள்ளது. தெலுங்கில் முதல் முறையாக ‘சை ரா’ படத்தில் நடித்து முடித்ள்ளார். தமிழில் ‘உயர்ந்த மனிதன்’ படம் மூலம் தமிழில் அறிமுகமாக உள்ளார். ஹிந்தியில் ‘ஜுன்த், பிரம்மாஸ்த்ரா’ ஆகிய படங்களில் நடித்து வருகிறார். சினிமா தவிர்த்து ஏராளமான விளம்பர நிகழ்ச்சிகளிலும் நடித்து வருகிறார்.
