பிரபல மலையாள நடிகர் பிரித்விராஜ் முதல் முறையாக இயக்குனர் அவதாரம் எடுத்திருக்கும் படம் ‘லூசிபர்’. மோகன்லால் கதாநாயகனாக நடித்துள்ள இந்த படம் வரும் மார்ச் 28ஆம் தேதி ரிலீசாக இருக்கிறது இந்த படத்தின் டிரைலர் மற்றும் இசை வெளியீட்டு விழா நேற்று முன்தினம் துபாய் மற்றும் அபுதாபியில் ஆகிய இடங்களில் நடைபெற்றது.
இந்த விழாவின்போது ஒரு சர்ப்ரைஸ் ஒன்று கொடுக்கப்போவதாக சில தினங்களுக்கு முன்பு பிரித்திவிராஜ் அறிவித்திருந்தார்.. உடனே பலரும் இந்த படத்தில் விஜய்சேதுபதி அல்லது மம்முட்டி ஆகியோர் முக்கிய வேடத்தில் நடித்திருக்கிறார்கள் என்றும், அதைத்தான் பிரித்விராஜ் சொல்லப் போகிறார் என்றும் செய்திகளை வெளியிட்டன.
ஆனால், யாருமே எதிர்பாராத ஆச்சரியமாக விழா அரங்கத்தில் நுழைந்தார் மம்முட்டி. இந்த படத்தின் டிரைலர் வெளியீட்டு விழாவை நடத்தி வைப்பதற்காகவே துபாய்க்கு வருகை தந்து லூசிபர் படக்குழுவினரையும் மோகன்லால் ரசிகர்களையும் ஆச்சரியப்படுத்தி விட்டு சென்றார் மம்முட்டி.