நியூசிலாந்து, இங்கிலாந்து அணிகள் மோதும் முதல் டெஸ்டின் 3ம் நாள் ஆட்டம், மழையால் பாதியில் கைவிடப்பட்டது.
நியூசிலாந்து சென்றுள்ள இங்கிலாந்து அணி 2 போட்டிகள் கொண்ட டெஸ்ட் தொடரில் பங்கேற்கிறது. முதல் போட்டி ஆக்லாந்தில் நடக்கிறது. இங்கிலாந்து முதல் இன்னிங்சில் 58 ரன்கள் எடுத்தது. இரண்டாம் நாள் ஆட்ட நேர முடிவில், நியூசிலாந்து அணி முதல் இன்னிங்சில் 4 விக்கெட்டுக்கு 229 ரன்கள் எடுத்திருந்தது.
மூன்றாவது நாள் ஆட்டத்தில் நிக்கோல்ஸ் அரைசதம் அடித்தார். 17 பந்துகள் மட்டுமே வீசப்பட்ட நிலையில், மழை குறுக்கிட்டது. மழையின் தாக்கம் குறையாததால், ஆட்டம் முடிவுக்கு வந்தது. நியூசிலாந்து அணி முதல் இன்னிங்சில் 4 விக்கெட்டுக்கு 233 ரன்கள் எடுத்து, 175 ரன்கள் முன்னிலை பெற்றிருந்தது. நிக்கோல்ஸ் (52), வாட்லிங் (18) அவுட்டாகாமல் இருந்தனர்.
இன்று மழை குறுக்கிட 20 சதவீதம் மட்டுமே வாய்ப்பு இருப்பதால், ஆட்டம் முழுமையாக நடக்கும் என எதிர்பார்க்கப்படுகிறது.
