மும்பை ஜூகு பகுதியில் பழம்பெரும் பாலிவுட் நடிகர் தர்மேந்திரா வசித்து வருகிறார். நேற்று முன்தினம் மதியம் திடீரென அவருக்கு உடல் நலக்குறைவு ஏற்பட்டது.

இதையடுத்து குடும்பத்தினர் அவரை சிகிச்சைக்காக அருகில் உள்ள நானாவதி மருத்துவமனையில் சேர்த்தனர்.

அங்கு மருத்துவர்கள் பரிசோதனையில், வயிற்று கோளாறு காரணமாக வாந்தி மற்றும் காய்ச்சலால் அவர் பாதிக்கப்பட்டு இருந்தது தெரியவந்தது.

இதைத்தொடர்ந்து மருத்துவர்கள் அவருக்கு தீவிர சிகிச்சை அளித்தனர். சிகிச்சைக்கு பின்னர் அவர் வேகமாக குணமடைந்து வருவதாக டாக்டர்கள் தெரிவித்து உள்ளனர்.