மரண தண்டனையை நடைமுறைப்படுத்துவதற்கு எதிராக தாக்கல் செய்யப்பட்ட ரீட் மனுவை விசாரணை செய்ய மேன்முறையீட்டு நீதிமன்றம் 5 நீதிபதிகள் கொண்ட குழுவை நியமித்துள்ளது.
மேன்முறையீட்டு நீதிமன்ற தலைவர் நீதிபதி யசந்த கோதாகொட இந்த குழுவின் தலைவராக நியமிக்கப்பட்டுள்ளார்.
இந்த குழுவின் உறுப்பினர்களாக தீபாளி விஜேசுந்தர, ஜனக் த சில்வா, அச்சல வெங்களப்புலி, அர்ஜுன ஒபேசேகர பெயர் குறிப்பிடப்பட்டுள்ளனர்.
மரண தண்டனையை நடைமுறைப்படுத்துவதை தடுத்து நிறுத்துமாறு தெரிவித்து ஊடகவியலாளர் மலிந்த செனவிரத்ன இந்த ரீட் மனுவை தாக்கல் செய்திருந்தார்.
இதேவேளை இன்று (செவ்வாய்க்கிழமை) காலை 11.30 மணியளவில் குறித்த மனு விசாரணைக்கு எடுத்துக்கொள்ளப்படவுள்ளமை குறிப்பிடத்தக்கது.
