இலங்கையில் கால் மதுபான போத்தல்களை தடை செய்யும் சட்டம் கொண்டு வரப்படவுள்ளதாக அமைச்சர் மஹிந்த அமரவீர தெரிவித்துள்ளார்.
சூரியவெவ பகுதியில் இடம்பெற்ற மக்கள் சந்திப்பில் கலந்துகொண்டு கருத்து தெரிவித்த போதே அமைச்சர் இவ்வாறு தெரிவித்தார்.
இதன்போது தொடர்ந்து கருத்து வெளியிட்ட அமைச்சர் மஹிந்த அமரவீர, தேவையேற்பட்டால் அரை மதுபான போத்தல்களையும் தடை செய்வதற்கு நடவடிக்கை எடுப்பதாகவும் அவர் குறிப்பிட்டார்.
தற்போது சிறிய அளவிலான மதுபான பக்கெட்டுக்களை முற்றிலுமாக தடை செய்வதற்கு சம்பந்தப்பட்ட அதிகாரிகளுக்கு அறிவுறுத்தல் வழங்கப்பட்டுள்ளதாகவும் அமைச்சர் இதன்போது தெரிவித்தார்.
தற்போது சந்தையில் உணவு பொருட்கள் அல்லாத ஷெஷே பக்கட்களையும் தடை செய்வதற்கு எதிர்வரும் நாட்களில் நடவடிக்கை மேற்கொள்வதாக அமைச்சர் மஹிந்த அமரவீர தெரிவித்துள்ளார்.
