தளபதி விஜய் நடிப்பில் தயாராகி வரும் ‘பீஸ்ட்’ படத்தில் இடம்பெற்றிருக்கும் இரண்டாவது பாடல் வெளியாகும் திகதி அதிகாரப்பூர்வமாக அறிவிக்கப்பட்டிருக்கிறது.
இயக்குநர் நெல்சன் திலீப்குமார் இயக்கத்தில் தயாராகி வரும் புதிய திரைப்படம் ‘பீஸ்ட்’. இதில் தளபதி விஜய் கதையின் நாயகனாக நடிக்க, அவருக்கு ஜோடியாக நடிகை பூஜா ஹெக்டே நடிக்கிறார். இவர்களுடன் செல்வராகவன், யோகிபாபு, ஜான் விஜய், விடிவி கணேஷ், அபர்ணா தாஸ், ரெடின் கிங்ஸ்லி உள்ளிட்ட பலர் நடித்திருக்கிறார்கள்.
மனோஜ் பரமஹம்சா ஒளிப்பதிவு செய்திருக்கும் இந்த படத்திற்கு அனிரூத் இசை அமைத்திருக்கிறார். சன் பிக்சர்ஸ் நிறுவனம் சார்பில் கலாநிதிமாறன் பிரம்மாண்டமான பொருட்செலவில் தயாரித்திருக்கும் இந்தப் படத்தின் ஃபர்ஸ்ட் சிங்கிள் ‘அரபி குத்து..’ வெளியாகி, இணையத்தில் பெரும் சாதனை படைத்து வருகிறது.
இந்த தருணத்தில் ‘பீஸ்ட்’ படத்தில் இடம்பெற்றிருக்கும் இரண்டாவது பாடல் எதிர்வரும் 19 ஆம் திகதியன்று வெளியாகிறது என அதிகாரப்பூர்வமாக அறிவிக்கப்பட்டிருக்கிறது. அனிரூத் இசையில் உருவாகியிருக்கும் ‘ ஜாலிலோ ஜிம்கானா…’ எனத் தொடங்கும் இந்தப் பாடலை பாடலாசிரியர் கு. கார்த்திக் எழுத, கதையின் நாயகனும், நடிகருமான விஜய் சொந்த குரலில் பின்னணி பாடியிருக்கிறார். இந்தப் பாடலும் இணையத்தில் வெளியாகி பல மில்லியன் கணக்கிலான பார்வையாளர்களால் பார்வையிட்டு சாதனை படைக்கும் என்பது உறுதி என திரையுலகினர் தெரிவிக்கிறார்கள்.
#No 1 TamilWebSite 
| http://Facebook page / easy 24 news | Easy24News – யூடியூப் YouTube | [email protected]
