ஆப்கானிஸ்தானில், ஐ.எஸ்., பயங்கரவாதிகள் நடத்திய தற்கொலை படை தாக்குதலில், ஆறு பேர் உயிரிழந்தனர்.
ஆப்கானிஸ்தானில், சமீபத்தில், காந்தஹாரில் உள்ள, போலீஸ் அலுவலகத்தின் மீது தலிபான்கள் நடத்திய தற்கொலை படை தாக்குதலில், ஆறு போலீசார் உயிரிழந்தனர்.
காபூலில் உள்ள, புலனாய்வு பயிற்சி மையத்தின் மீது நடந்த தாக்குதலில், இருவர் உயிரிழந்தனர்.
இந்நிலையில் நேற்று, காபூலில் உள்ள, தேசிய புலனாய்வு இயக்குனரக அலுவலகத்தின் பிரதான நுழைவாயிலுக்கு வெளியில், ஊழியர்கள் வந்த கார் மீது, ஐ.எஸ்., பயங்கரவாதிகள் தற்கொலை படை தாக்குதல் நடத்தினர். இதில், ஆறு பேர் உயிரிழந்தனர். காயமடைந்தவர்கள், அருகில் உள்ள மருத்துவமனையில் அனுமதிக்கப்பட்டு உள்ளனர்.
