புதிய அரசமைப்பு உருவாக்கத்துக்கான முயற்சி கைவிடப்படுமாக இருந்தால் தமிழ் மக்களின் வேணவாக்களை எப்படி நிறைவேற்றப் போகின்றோம் என்பது தொடர்பில், தலைவர்கள் சேர்ந்து ஆராய வேண்டிய நிர்ப்பந்தம் ஏற்பட்டுள்ளது.
இவ்வாறு தமிழ்த் தேசியக் கூட்ட மைப்பின் நாடாளுமன்ற உறுப்பினரும், அந்தக் கட்சியின் பேச்சாளருமான எம்.ஏ.சுமந்திரன் தெரிவித்தார்.
யாழ்ப்பாணத்தில் அவர் நேற்று நடத்திய செய்தியாளர் சந்திப்பிலேயே இவ்வாறு கூறினார். அவர் தெரிவித்தாவது,
–
சிங்கள மக்கள் மகிந்த ராஜபக்சவை மீண்டும் தெரிவு செய்திருக்கின்றார்கள். மகிந்த ராஜபக்ச இந்தத் தேர்தலில், புதிய அரசமைப்பு நடைமுறைப்படுத்தப்பட்டால் நாடு பிளவடைந்து விடும் என்று திரும்பத் திரும்பக் கூறி வந்தார். சிங்கள மக்களின் மாற்றத்துக்கு அது பிரதான காரணமாக இருக்கலாம்.
புதிய அரசமைப்பு முயற்சி பெரிய பின்னடைவைச் சந்தித்திருக்கின்றது என்றே சிந்திக்கத் தோன்றுகின்றது. புதிய அரசமைப்பு முயற்சி கைவிடப்படுமாக இருந்தால், தமிழ் மக்களின் வேணவாக்களை நிறைவேற்ற என்ன செய்யப் போகின்றோம்?. இது தொடர்பில் ஆராய வேண்டிய நிர்ப்பந்தம் தமிழ்த் தேசியக் கூட்டமைப்பின் தலைவர்களுக்கு ஏற்பட்டுள்ளது – என்றார்.
