முதுன்கொட பிரதேசத்தில் கைவிடப்பட்ட வீடு ஒன்றில் தனிமையில் உறங்கிக் கொண்டிருந்த 32 வயதுடைய நபரொருவர் ஒரு குழுவினரால் கோடரியால் வெட்டிப் படுகொலை செய்யப்பட்டுள்ளதாக ஹுரிகஸ்வெவ பொலிஸார் தெரிவிக்கின்றனர்.
இந்தச் சம்பவம் இன்று ஞாயிற்றுக்கிழமை (14) இடம்பெற்றுள்ளது.
முதுன்கொட ஹுரிகஸ்வெவ பிரதேசத்தில் வசிக்கும் துசித குமார (32) என்ற நபரே இவ்வாறு உயிரிழந்துள்ளார்.
குறித்த நபர் அப்பகுதியில் திருட்டுச் சம்பவங்களில் ஈடுபட்டதாக குற்றம் சுமத்தப்பட்டுள்ளதாக பொலிஸார் தெரிவிக்கின்றனர்.
தொம்கொட பிரதேசத்தில் கைவிடப்பட்ட வீடொன்றில் உறங்கிக் கொண்டிருந்த போதே குறித்த நபர் சிலரால் கொலை செய்யப்பட்டுள்ளார்.
இந்த கொலை தொடர்பாக, அந்த பகுதியை சேர்ந்த இருவர் விசாரணைக்காக கைது செய்யப்பட்டுள்ளனர்.
சம்பவம் தொடர்பான மேலதிக விசாரணைகளை ஹுரிகஸ்வெவ பொலிஸார் மேற்கொண்டு வருகின்றனர்.
