தம்பி! கிருஷாந்!
எனது பார்வையில் உனது கமெரா!
தன் ஒற்றைப் பார்வையில்
இயற்கையை பலகோடி வண்ணங்களாய்
படம் பிடிக்கும் சக்தி
சூரிய விழிகளுக்கு மட்டும்தான் உண்டு!
ஒற்றைக் கண்ணடியில்
நந்தவனம் பூச்சொரியும்
நீர்தூறல் இல்லாமலே
பலநூறு வானவில்
நெஞ்சிற்குள் கோலமடும்
இந்த காந்தரூப சக்தி
கன்னியர் விழிகளுக்கு மட்டும்தான் உண்டு!
உனது கைகளில் தவழும் கமெரா
கண்ணடித்ததும் கற்பாறைகூட
வைரங்களாய் ஒளிர்கிறதே!
நீ கையாளும் யுக்தியா!
இல்லை கமெராவின் மந்திர சக்தியா!
உலக அதிசயம் இதுவென்று பிரகடனம் செய்வதா!
நன்றிகள் திரு .திருமதி கலாராஜன் நட்புகளே easy24news.com சார்பாக எம் அன்பும்
நன்றியும் .
