ஜாதி அரசியலுக்கு முடிவு கட்ட சமூக ரீதியிலான மாற்றம் அவசியம் என ஆர்.எஸ்.எஸ்., தலைவர் மோகன் பாகவத் தெரிவித்தார்.
இதுகுறித்து மும்பையில் நடந்த கருத்தரங்கில் அவர் பேசியதாவது: மாற்றம் அரசியலால் மட்டும் கொண்டு வர முடியாது. அரசியல்வாதிகளால் ஒரு குறிப்பிட்ட எல்லை வரை மட்டுமே பிரச்னைகளை சரி செய்ய முடியும். சுயநலங்களை தியாகம் செய்தால் மட்டுமே சமூகத்தை சீர் செய்ய முடியும்.
தேர்தல்களில், ஜாதி பார்த்து, ஓட்டளிக்கும் மனப்பான்மை, மக்களிடம் உள்ளது. இந்த போக்கை மாற்ற வேண்டுமானால், சமூக ரீதியிலான மாற்றத்தை ஏற்படுத்த வேண்டும். அதற்கான நடவடிக்கைகளை உடனே துவங்க வேண்டும். இவ்வாறு அவர் கூறினார்.
