கனேடியப் பொதுத் தேர்தலில் அமோக வெற்றி பெற்ற ஹரி ஆனந்தசங்கரி…!

கனேடிய நாடாளுமன்றத் தேர்தலில் ஒன்றாரியோ மாகாணத்தில், ஸ்காபரோ ரூஜ்பார்க் தொகுதியில் இரண்டாவது முறையாகப் போட்டியிட்ட ஹரி ஆனந்தசங்கரி 21,241 வாக்குகள் வித்தியாசத்தில் அமோக வெற்றி பெற்றுள்ளார்.

ஆளும் லிபரல் கட்சியின் சார்பில் போட்டியிட்ட ஹரி ஆனந்தசங்கரிக்கு இந்த முறை 62.3 வீத வாக்குகள் கிடைத்துள்ளதாக தெரியவந்துள்ளது.

இந்நிலையில் அவருக்கு பலரும் வாழ்த்துக்களை கூறிவருகின்றனர்.

இதேவேளை ஹரி ஆனந்தசங்கரி இலங்கை தமிழர் விடுதலைக் கூட்டணியின் செயலாளர் வீ.ஆனந்தசங்கரியின் மகன் என்பது குறிப்பிடத்தக்கது.

ஸ்காபரோ ரூஜ்பார்க் தொகுதியில் கட்சிகளும் அவற்றின் வேட்பாளர்களும் பெற்ற வாக்குகள் விபரம்,

ஹரி ஆனந்தசங்கரி – லிபரல் கட்சி – 31,339 – 62.3 %

பொப்பி சிங் – கொன்சர்வேட்டிவ் கட்சி – 10,088 – 20.1 %

கிங்ஸ்லி வோக் – புதிய ஜனநாயக கட்சி – 5,735 – 11.4 %

ஜெசிக்கா ஹமில்டன் – கிறீன் கட்சி – 2,324 – 4.6 %

டிலானோ சாலி – மக்கள் கட்சி – 466 – 0.9 %

மார்க் தேடோரூ – கிறிஸ்தவ பாரம்பரிய கட்சி – 353 – 0.7 %

பதிவு செய்யப்பட்ட வாக்காளர்கள் – 76,408

அளிக்கப்பட்ட மொத்த வாக்குகள் – 50,305