கட்டுநாயக்க பகுதியில் அவசரமாக தரையிறக்கப்பட்ட விமானம்

இயந்திர கோளாரு காரணமாக தனியார் விமானமொன்று இன்று கட்டான பிரதேசத்தில் அவசரமாக தரையிறக்கப்பட்டுள்ளது.

கட்டான பொலிஸ் பிரிவில் கிம்புலாப்பிட்டி பிரதேசத்தில் குறித்த தனியார் விமானம் தரையிறக்கப்பட்டதாக பொலிஸ் தலைமையகம் தெரிவித்துள்ளது.

விமானி ஒருவர் உட்பட இரு வெளிநாட்டு பயணிகள் குறித்த விமானத்தில் பயணித்துள்ளனர்.

இவர்கள் இரத்மலானையிலிருந்து சீகிரியா நோக்கிச் சென்று பின்னர் கொக்கல பிரதேசத்தை நோக்கிச் பயணித்துக்கொண்டிருந்த  போதே இவ்வாறு இயந்திர கோளாரு ஏற்பட்டுள்ளது.

இதன் காரணமாகவே குறித்த விமானம் அவசரமாக தரையிறக்கப்பட்டுள்ளது.

இதில் பயணித்த விமானி உட்பட பயணிகள் காயங்களுடன் நீர்கொழும்பு வைத்தியசாலையில் அனுமதிக்கப்பட்டுள்ளதாக பொலிஸ் தலைமையகம் மேலும் தெரிவித்துள்ளது.

#No 1 TamilWebSite  | http://Facebook page / easy 24 news |  Easy24News – YouTube | [email protected]