பாகிஸ்தானில் இருந்து செயல்படும், லஷ்கர் – இ – தொய்பா பயங்கரவாத அமைப்பின் துணை அமைப்பான, ஜமா உத் – தாவாவின் தலைவனான, ஹபீஸ் சயீத், மில்லி முஸ்லிம் லீக் என்ற அரசியல் அமைப்பின் அலுவலகத்தை, லாகூரில் திறந்துள்ளார்.
மும்பை தாக்குதலின் மூளையாக செயல்பட்ட, பயங்கரவாதி ஹபீஸ் சயீதை, தேடப்படும் குற்றவாளியாக, ஐ.நா., அறிவித்துள்ளது. வீட்டுச் சிறையில் இருந்த அவரை, பாக்., அரசு சமீபத்தில் விடுதலை செய்தது. இதற்கு இந்தியா, அமெரிக்கா உள்ளிட்ட நாடுகள் கண்டனம் தெரிவித்தன.
இந்நிலையில், 2018ல் நடக்கும் பார்லிமென்ட் தேர்தலில், லஷ்கர் – இ – தொய்பாவின் அரசியல் பிரிவான, மில்லி முல்லிம் லீக் சார்பில் போட்டியிடப் போவதாக, சயீத் அறிவித்திருந்தான்.
‘அந்த அமைப்புக்கு, தேர்தல் கமிஷன் அங்கீகாரம் அளிக்கக் கூடாது’ என, பாக்., அரசு எதிர்ப்பு தெரிவிக்கிறது. இந்நிலையில், அந்த அமைப்பின் அலுவலகத்தை, ஹபீஸ் சயீத், லாகூரில் நேற்று திறந்து வைத்தான்.
கட்சி அலுவலகம் திறந்த பயங்கரவாதி ஹபீஸ் சயீத்
