இ.போ.ச பஸ் ஒன்றிலிருந்து சட்டவிரோதமாக வேட்டையாடப்பட்ட இறைச்சி மீட்கப்பட்ட நிலையில் பஸ் சாரதி மற்றும் நடத்துனர் சந்தேகத்தின் பேரில் பொலிஸ் விசேட அதிரடிப்படையினரால் கைது செய்யப்பட்டுள்ளனர்.
காலி வீதியில் மேற்கொள்ளப்பட்ட விசேட போக்குவரத்து சோதனை நடவடிக்கையில் கதிர்காமம் – கொழும்பு இ.போ.ச பஸ் ஒன்றின் பின் புறத்திலுள்ள பயணப்பை பெட்டியிலிருந்து 100 கிலோ சட்டவிரோதமாக வேட்டையாடப்பட்ட இறைச்சியை கைப்பற்றியுள்ளனர்.
இது தொடர்பில் மேற்கொள்ளப்பட்ட விசாரணையில் குறித்த பொதியின் உரிமையாளர் முன்வராததால் பஸ் சாரதி மற்றும் நடத்துனர் சந்தேகத்தின் பேரில் கைது செய்யப்பட்டுள்ளனர்.
அம்பலாந்தோட்டை டிப்போவிற்கு சொந்தமான இ.போ .ச பஸ் ஒன்றே இவ்வாறு பொலிஸ் நிலையத்திற்கு எடுத்துச்செல்லப்பட்டுள்ளது.
இந்த சம்பவம் தொடர்பான மேலதிக விசாரணைகளை பொலிஸ் விசேட அதிரடிப்படையினர் மேற்கொண்டு வருகின்றனர்.
