இலங்கையின் பாதுகாப்பின் மீது இந்தியா அக்கறை கொண்டிருப்பதாக இலங்கைக்கான இந்திய தூதுவர் தரன்ஜித் சிங் சந்து தெரிவித்துள்ளார்.
இந்தியாவின் 70ஆவது சுதந்திர தினத்தை முன்னிட்டு, கொழும்பில் உள்ள இந்தியத் தூதரகத்தில் நடந்த நிகழ்வில் உரையாற்றிய போதே அவர் இவ்வாறு குறிப்பிட்டார்.அவர் மேலும் தெரிவித்ததாவது:
இலங்கையின் பாதுகாப்பின் மீது இந்தியா அக்கறை கொண்டிருக்கிறது. இலங்கை யின் ஒற்றுமை, இறையாண்மை, பிராந்திய ஒருமைப்பாடு ஆகியவற்றைப் பாதுகாக்க இந்தியா கடமைப்பட்டுள்ளது.
பல மொழி, பல்லின, பல சமூகங்கள் வாழும் இலங்கையில், அனைத்து மக்களும், சமத்துவம், பாதுகாப்பு, நல்லிணக்கத்துடன், வாழ்வதற்கான முயற்சி களுக்கு இந்தியா எப்போதும் ஆதரவளித்து வந்துள்ளது.
இலங்கையுடன் தொடர்ந்து ஒத்துழைப்பை வலுப்படுத்துவதில் இந்தியா ஈடுபடும். உட் கட்டமைப்பு, உற்பத்தி, சுகாதாரம், கல்வி, விஞ்ஞானம், தொழில்நுட்பம் போன்ற துறைகளின் முதலீடுகளுக் கும் இந்தியா ஒத்துழைப்பு வழங்கும். இந்தியாவின் பெறுமதிமிக்க பங்காளர் களில் இலங்கையும் ஒன்று.
கடல்வழிப்பாதையின் பாதுகாப்பு உள்ளிட்ட பொதுவான பாதுகாப்புக் கரிசனைகள் மற்றும் பாதுகாப்பு விவகாரங்களில் இரண்டு நாடுகளுக்கும் இடையில் வலுவான ஒத்துழைப்பு பேணப்பட்டு வருகிறது என்றார்
