உலகிலேயே ஆளுயரத்துக்கு இருந்த ராட்சத பெங்குயின் நியூசிலாந்தில் 6 கோடியே 60 லட்சம் ஆண்டுகளுக்கு முன் வாழ்ந்ததாக ஆய்வாளர்கள் கண்டறிந்துள்ளனர்.
நியூசிலாந்தின் தென் தீவில் புதை படிமங்கள் குறித்து மேற்கொள்ளப்பட்ட ஆய்வில் ஏற்கெனவே மிகப்பெரிய கிளி, பருந்து, வவ்வால்களின் படிமங்கள் கிடைத்தன. இந்நிலையில் கிட்டத்தட்ட மனித உயரத்தில் வசித்து வந்த பெங்குயினின் முழு எலும்புக்கூடும் கிடைத்துள்ளதாக ஆய்வாளர்கள் தெரிவித்துள்ளனர்.
அதன் உயரம் ஐந்தே கால் அடி என்றும், நவீன காலத்திய ராஜா பெங்குயினைவிட உயரிய உருவம் கொண்டதோடு, 80 கிலோ எடையில் இருந்திருக்கும் என்றும் கணித்துள்ளனர். அதை சுமார் 6 கோடியே 60 லட்சம் ஆண்டுகளுக்கு முன் வேட்டையாடியிருப்பார்கள் என்றும், சூழலியல் மாறுபாட்டால் அதன் இனம் அழிந்திருக்கும் என்றும் சுட்டிக்காட்டுகின்றனர்.
