நடிகரும், இயக்குநருமான ஆர். ஜே. பாலாஜி அழுத்தமான வேடத்தில் நடித்திருக்கும் ‘சொர்க்கவாசல்’ எனும் திரைப்படத்தின் முன்னோட்டம் வெளியிடப்பட்டிருக்கிறது. இதனை முன்னணி இயக்குநரான லோகேஷ் கனகராஜ் மற்றும் முன்னணி இசையமைப்பாளரான அனிரூத் ஆகியோர் இணைந்து வெளியிட்டனர்.
அறிமுக இயக்குநர் சித்தார்த் விஸ்வநாத் இயக்கத்தில் உருவாகி, எதிர்வரும் 29 ஆம் திகதியன்று உலகம் முழுவதும் பட மாளிகையில் வெளியாகும் ‘சொர்க்கவாசல்’ எனும் திரைப்படத்தில் ஆர். ஜே. பாலாஜி, செல்வ ராகவன், நட்டி என்கிற நட்ராஜ், கருணாஸ், சானியா ஐயப்பன், ஹக்கீம் ஷா, பாலாஜி சக்திவேல், அந்தோணி தாசன், ரவி ராகவேந்திரா, சாமுவேல் ராபின்சன், எழுத்தாளர் ஷோபா சக்தி உள்ளிட்ட பலர் நடித்திருக்கிறார்கள்.
பிரின்ஸ் ஆண்டர்சன் ஒளிப்பதிவு செய்திருக்கும் இந்த திரைப்படத்திற்கு கிறிஸ்டோ சேவியர் இசையமைத்திருக்கிறார்.
சர்வைவல் திரில்லர் ஜேனரில் தயாராகி இருக்கும் இந்த திரைப்படத்தை ஸ்வைப் ரைட் ஸ்டுடியோஸ் நிறுவனம் தயாரித்திருக்கிறது. இந்த திரைப்படத்தை உலகம் முழுவதும் ட்ரீம் வாரியர் பிக்சர்ஸ் நிறுவனம் சார்பில் பிரபல தயாரிப்பாளர் எஸ். ஆர். பிரபு வழங்குகிறார்.
இந்தத் திரைப்படத்தின் கிளர்வோட்டம் வெளியாகி பெரும் எதிர்பார்ப்பை ஏற்படுத்திய நிலையில் தற்போது இப்படத்தின் முன்னோட்டம் வெளியிடப்பட்டிருக்கிறது. இதில் சிறையில் அடைக்கப்பட்டிருக்கும் கைதிகளின் வாழ்வியலை உணர்வுபூர்வமாக சித்தரிக்கும் காட்சிகளும், கவனம் ஈர்க்கும் உரையாடல்களும் இடம் பிடித்திருப்பதால் ரசிகர்களிடம் பெரும் வரவேற்பை பெற்றிருக்கிறது.
