ஆந்திர முதலமைச்சர் ஜெகன்மோகன் ரெட்டி மீது உச்சநீதிமன்றத்தில் வழக்கு தாக்கல் செய்யப்பட்டுள்ளது.
உச்சநீதிமன்ற நீதிபதிக்கு எதிராக குற்றச்சாட்டுகளை கூறிய விவகாரத்தில் விளக்கம் கோரியே மேற்படி வழக்கு தாக்கல் செய்யப்பட்டுள்ளது.
இது குறித்து தாக்கல் செய்யப்பட்டுள்ள மனுவில், நீதித்துறைக்கு எதிராக இதுபோல பொதுவெளியில் குற்றச்சாட்டுகளை கூறுவதற்கு ஜெகன்மோகன் ரெட்டிக்கு தடை விதிக்குமாறு கோரப்பட்டுள்ளது.
உச்சநீதிமன்ற நீதிபதி என்.வி.ரமணா, தெலுங்கு தேசம் கட்சித் தலைவர் சந்திரபாபு நாயுடுவுக்கு சாதகமாக ஆந்திர உயர்நீதிமன்ற செயல்பாடுகளில் தலையிடுவதாக முறைப்பாடு கூறி உச்சநீதிமன்ற தலைமை நீதிபதிக்கு ஆந்திர முதலமைச்சர் ஜெகன்மோகன் ரெட்டி கடிதம் எழுதியிருந்தமை குறிப்பிடத்தக்கது.
