2020 டோக்கியோ ஒலிம்பிக் போட்டியில் வெள்ளிக்கிழமை நடைபெற்ற ஆண்கள் ஒற்றையர் அரையிறுதிப் போட்டியொன்றில் ஜேர்மனியின் அலெக்சாண்டர் ஸ்வெரெவ், உலகின் நம்பர் ஒன் வீரரான நோவக் ஜோகோவிச்சை வீழ்த்தினார்.
முதல் செட்டில் வீழ்ச்சியடைந்த போதிலும், ஸ்வெரெவ் அடுத்த செட்களில் தனது ஆதிக்கத்தை வெளிப்படுத்தினார்.
இறுதியில் அவர் 1-6, 6-3, 6-1 என்ற செட் கணக்கில் சேர்பிய வீரர் ஜோகோவிச்சை தோற்கடித்தார்.
உலகின் முதல் இடத்தில் உள்ள ஜோகோவிச், ஒரே ஆண்டில் நான்கு கிராண்ட்ஸ்லாம் பட்டங்களையும், ஒலிம்பிக் தங்கப் பதக்கத்தையும் வென்ற முதல் வீரராக ஆகுவதற்கான முயற்சியில் இந்த ஆட்டத்தில் களம் கண்டார்.
எனினும் ஒலிம்பிக்கில் தங்கம் வெல்லும் ஜோகோவிச்சின் கனவு முடிவுக்கு கொண்டுவரப்பட்டது.
ஞாயிற்றுக்கிழமை நடைபெறவுள்ள ஆண்களுக்கான டென்னிஸ் இறுதிப்போட்டி ஆட்டத்தில் ஸ்வெரெவ், ரஷ்ய வீரர் கரேன் கச்சனோவை எதிர்கொள்வார்.
