எல்லைநிர்ணய அறிக்கை பாராளுமன்றத்தில் தோல்வியடைந்ததனால், அறிக்கையை சமர்ப்பித்த அமைச்சர் பைஸர் முஸ்தபா தனது அமைச்சுப் பதவியை இராஜினாமாச் செய்ய வேண்டும் என பாராளுமன்ற உறுப்பினர் சீ.பீ. ரத்நாயக்க தெரிவித்துள்ளார்.
அறிக்கையை சமர்ப்பித்த அமைச்சரே அதற்கு வாக்களிக்காமை அதிசயமானது எனவும் அவர் சுட்டிக்காட்டியுள்ளார்.
எந்த முறையிலாவது தேர்தலை நடாத்துங்கள் என்றே நாம் அரசாங்கத்தைக் கேட்கின்றோம். எந்த முறையில் தேர்தல் நடந்தாலும் அதற்கு முகம்கொடுக்க ஸ்ரீ லங்கா பொதுஜன பெரமுன தயார் எனவும் அவர் மேலும் கூறியுள்ளார்.
ஹட்டன் பிரதேசத்தில் நேற்று (26) இடம்பெற்ற ஊடகவியலாளர் சந்திப்பில் கலந்துகொண்டு உரையாற்றுகையிலேயே அவர் இதனைக் குறிப்பிட்டுள்ளார்.
