யூரோ கிண்ணம்: கிரீஸ்மன் அசத்தல்! அயர்லாந்தை வீழ்த்தி காலிறுதிக்கு முன்னேறியது பிரான்ஸ்.
ஐரோப்பிய கால்பந்து தொடரில் இன்று பிரான்ஸின் லியோன் நகரில் நடந்த நாக்-அவுட்(ரவுண்ட ஆப் 16) சுற்றில் உள்ளுர் அணியான பிரான்ஸ், அயர்லாந்து அணிக்கு எதிராக விளையாடியது.
ஆட்ட நேர முடிவில் பிரான்ஸ் 2-1 என்ற கோல் கணக்கில் அயர்லாந்தை வீழ்த்தி காலிறுதி சுற்றுக்கு முன்னேறியது. இந்த வெற்றியை உள்ளுர் ரசிகர்கள் உற்சாகத்துடன் கொண்டடி வருகின்றனர். தோல்வியடைந்த அயர்லாந்து அணி தொடரிலிருந்து வெளியேற்றப்பட்டது.
லியோன் நகரில் ஆட்டம் தொடங்கிய இரண்டாவது நிமிடத்திலேயே அயர்லாந்திற்கு கிடைத்த பெனால்டியை அந்த அணி வீரர் பிராட்லி கோலாக மாற்றினார்.
இதன் மூலம் முதல் பாதி முடிவில் அயர்லாந்து 0-1 என முன்நிலையை எட்டியது. இரண்டாவது பாதியின் 58வது நிமிடத்தில் பிரான்ஸ் வீரர் கிரீஸ்மன் கோல் போட்டு ஆட்டத்தை 1-1 என சமன் செய்தார்.
தொடர்ந்து 61வது நிமிடத்தில் மீண்டும் பிரான்ஸ் வீரர் கிரீஸ்மன் கோல் அடித்து அசத்தினார். இதன் மூலம் பிரான்ஸ் 2-1 என முன்நிலை பெற்றது.இறுதிவரை போராடிய அயர்லாந்து அணி வீரர்களால் மேலும் ஒரு கோல் கூட போட முடியவில்லை. ஆட்ட நேர
முடிவில் பிரான்ஸ் 2-1 என்ற கோல் கணக்கில் அயர்லாந்தை வீழ்த்தி காலிறுதிக்கு முன்னேறியது.
