‛ராம்லீலா’ படத்தில் முதன்முறையாக இணைந்து நடித்தனர் பாலிவுட் பிரபலங்கள் ரன்வீர் சிங் – தீபிகா படுகோனே. அப்போது அவர்களுக்குள் ஏற்பட்ட பழக்கம் காதலாக மாறியது. தொடர்ந்து, ‛பாஜிராவ் மஸ்தானி, பத்மாவத்’ படங்களிலும் நடித்தனர். 6 ஆண்டுகளாக காதலித்த இந்த ஜோடி, கடந்தாண்டு இத்தாலியில் கோலாகலமாக திருமணம் செய்து கொண்டனர்.
இவர்கள் திருமணம் நடந்து ஓராண்டு கடந்துவிட்ட நிலையில் முதல் திருமண நாளை கொண்டாடி வருகின்றனர். அதன் ஒருபகுதியாக திருமலை சென்ற இவர்கள் திருப்பதி ஏழுமலையானை தரிசித்தனர். கோவிலை விட்டு வெளியே வந்த தீபிகா – ரன்வீர் உடன் ஏராளமான பேர் செல்பி எடுக்க ஆர்வம் காட்டினர்.
