இப்போதெல்லாம் எதையாவது வித்தியாசமாக செய்து விளம்பரப் படத்தினால் தான் ஒரு படம் மக்களை சென்று சேறும். அந்த வகையில் இந்தியில் அக்ஷய்குமார் நடிப்பில் வெளிவர இருக்கும் ஹவுஸ்புல் 4 படத்தின் புரமோசனுக்காக ஒரு சிறப்பு ரெயிலையே விட்டுள்ளனர். இதுகுறித்து கூறப்படுவதாவது:
புரமோசன் ஆன் வீல் என்ற புதிய திட்டத்தை இந்திய ரெயில்வே அறிவித்துள்ளது. இதன்படி ஒரு ரெயிலை வாடகைக்கு எடுத்து புரமோசன் பணிகளுக்காக பயன்படுத்திக் கொள்ளலாம் என்பதாகும். இந்த திட்டத்தின்படி முதல் படமாக ஹவுஸ்புல் 4 ரெயிலை வாடகைக்கு எடுத்து ரெயில் முழுவதும் படத்தின் விளம்பரத்தை வரைந்து மும்பை முதல் டில்லி வரை அந்த படத்தின் நட்சத்திரங்கள் ஜாலியாக பயணித்துள்ளனர். அப்போது எடுக்கப்பட்ட வீடியோக்கள், படங்கள் தற்போது இணையதளங்கில் வைரலாகி உள்ளன.
இதுகுறித்து தயாரிப்பாளர் சஜித் நதியாட்வாலா கூறியதாவது: அரசாங்கமும் இந்திய ரயில்வேயின் இந்த புதுமையான நடவடிக்கை குறித்து நான் மிகவும் மகிழ்ச்சியடைகிறேன். இது கலைத்துறை மற்றும் இந்திய ரயில்வேதுறையை ஒன்றிணைக்கும் இந்த புதிய புதுமையான அனுபவத்திற்காக ஒட்டுமொத்த குழுவினரும் மற்றும் அனைத்து கலைத்துறையினரும் உற்சாகமாக உள்ளனர் . என்றார்.
