தெலுங்குத் திரையுலகத்தில் பல முன்னணி நடிகர்களுடனும், பல வெற்றிப் படங்களிலும் நகைச்சுவை நடிகராக நடித்தவர் வேணு மாதவ்(39). டிவிக்களிலும் பல நிகழ்ச்சிகளுக்கு தொகுப்பாளராக இருந்திருக்கிறார்.
தமிழில் வெளிவந்த ‘என்னவளே, காதல் சுகமானது’ ஆகிய படங்களிலும் நடித்திருக்கிறார். சிறுநீரக பிரச்னையால் பாதிப்பால் கடந்த சில ஆண்டுகளாக அவர் அதிகமான படங்களில் நடிக்கவில்லை. 2016ல் தான் அவர் நடித்த படம் கடைசியாக வெளியானது.
கடந்த சில மாதங்களாக அவருடைய உடல்நலம் பற்றி பல வதந்திகள் பரவியது. ஆனால், தான் நலமாக இருப்பதாக வேணு மாதவ் தெரிவித்திருந்தார். இந்நிலையில் அவருடைய உடல்நிலை நேற்று மோசமானதை அடுத்து அவரை ஐதராபாத்தில் உள்ள தனியார் மருத்துவமனையில் சேர்த்தனர். ஐசியூவில் அவர் அனுமதிக்கப்பட்டு தீவிர சிகிச்சை அளிக்கப்பட்ட நிலையில் சிகிச்சை பலன்றி அவரது உயிர் பிரிந்தது.
