அட்லீ இயக்கத்தில் விஜய், நயன்தாரா, இந்துஜா, யோகிபாபு, கதிர், ஜாக்கி ஷெராப் உள்பட பலர் நடித்து வரும் படம் பிகில். கால்பந்தாட்ட விளையாட்டை மையமாக வைத்து உருவாகி வரும் இந்த படத்திற்கு ஏ.ஆர்.ரகுமான் இசையமைக்கிறார்.
தற்போது இறுதிக்கட்ட பணிகள் நடை பெற்று வரும் பிகில் படத்தின் பர்ஸ்ட்லுக் மற்றும் சிங்கப்பெண்ணே பாடல் வெளியான நிலையில், வெறித்தனம் என்ற பாடல் விரைவில் வெளியாக உள்ளது. இந்தநிலையில், தற்போது பிகில் படம் தீபாவளிக்கு மூன்று நாட்களுக்கு முன்னதாகவே வெளியாகயிருப்பதாக ஒரு செய்தி வெளியாகியிருக்கிறது.
அதாவது அக்டோபர் 27-ந்தேதி தீபாவளி தினமாகும். ஆனால் மூன்று நாட்கள் முன்பே 24-ந்தேதி வியாழக்கிழமை அன்று பிகில் படத்தை வெளியிடப் போகிறார்களாம். அஜித் தான் தனது படங்களை வியாழக் கிழமைகளில் வெளியிடுவார். அதேபோன்று இப்போது விஜய் படமும் வியாழக்கிழமையில் வெளியாகிறது.
